طلعة للأديب : عبد الرحمن ولـد الـداودِ

لبتيت التام                        نسيب

ذل تلياع ما يبر
ابكطع امجبير  أجبر
أحكم إنيمش والمخروقات
والتيشليت ألكليبات
هاذ نعرف فيهم ليلات
واتزاريك ابهك مندفعات
واتزركيك اجقام لقدير
وكرجان أيم اتكدوير
وكر انصفن واتذرذير
هاذ الوكر إليع واشرير
وامن الواد امنادم كواد
خد الواد إيل كد ألاد
وانفد لكليت من مراد
زدف اخلاك غير المُراد
ذل تلياع ما يبر

وان وياه ابلا ربع
أمنحر لكليبات  السبع
والعكل والعين ألكلات
السبع وانباك الظبع
تسع وإيل كل سبع
فالكلاب وشع وشع
من لمسايل دهر القدير
اكحال اندرموز أركع
بهك امن  الكدي منكطع
غير المعلوم امن  البقع:
كام امشرك يبنظر لحداد
من بدمق كد المنع
ذاك انسموه اسع مسع
عند ول فيه الطمع: